ရှေးဦးသူနာပြုစုနည်းများ🏠 Home

တုန့်ပြန်မှုမရှိဘဲ အသက်ရှူရပ်နေသောသူအား ရှေးဦးပြုစုနည်း

အဓိကလုပ်ဆောင်ရန်- ရင်ဘတ်ဖိပေးခြင်း

• လူနာ၏ခေါင်းကို နောက်ဖက်သို့ အနည်းငယ်စောင်းပြီး အသက်ရှူမှု ရှိ/မရှိ ကြည့်ရှှုစစ်ဆေးပါ။
• အရေးပေါ်ဌာနကို အကူအညီ လှမ်းတောင်းပါ။
• ရင်ဘတ်၏အလယ်နေရာကို ပြင်းပြင်းဖိပေးပြီး ပြန်လွတ်ပာ၊
• အကူအညီများ မရောက်မချင်း ပုံမြန်နှုန်းဖြင့် ပြုလုပ်ပေးပါ။

အသက်ရှူလမ်းကြောင်းပိတ်နေသူအား ရှေးဦးပြုစုနည်း

အဓိကလုပ်ဆောင်ရန်- နောက်ကျောကို ရိုက်ပုတ်ပေးပါ

• အသက်ရှူလမ်းကြောင်းတွင် ပိတ်နေသာအရာထွက်လာစေရန် လူနာ၏နောက်ကျော အလယ်နေရာကို ပြင်းပြင်းရိုက်ပေးပါ။
• လိုအပ်ပါက အကူအညီလှမ်းတောင်းပါ။

အသက်ရှူနေသော်လည်း တုန့်ပြန်မှုမရှိသော သူအား ရှေးဦးပြုစုနည်း

အဓိကလုပ်ဆောင်ရန်- လူနာအားဘေးတစောင်း အနေအထားထားပြီး ခေါင်းကို နောက်ဖက် သို့ စောင်းထားရန်

• လူနာ၏ ခေါင်းကိုနောက်သို့ စောင်းကာ အသက်ရှူမှု ရှိ/ မရှိ ကြည့်ရှူစစ်ဆေးပါ။
• လူနာအား ဘေးတစ်စောင်းအနေအထားထားပြီး ခေါင်းကို နောက်သို ့စောင်းထားပါ။
• အကူအညီ ချက်ခြင်းလှမ်းတောင်းပါ။

သွေးအလွန်ထွက်နေသော သူအားရှေးဦးပြုစုနည်း

အဓိကလုပ်ဆောင်ရန်- အနာပေါ်တွင် ဖိထားပါ

• သွေးထွက်နေမှုကို ရပ်စေရန် ရနိုင်သောအရာနှင့် အနာကိုဖိထားပါ။
• အကူအညီချက်ချင်း လှမ်းတောင်းပါ။
• အကူအညီများ မရောက်မချင်း အနာပေါ်ဖိထားပါ။

အပူလောင်သူအား ရှေးဦးပြုစုနည်း

အဓိကလုပ်ဆောင်ရန်- အပူလောင်သော နေရာကို အေးအောင်ထားရန်

• အပူလောင်သော နေရာကို အေးစေရန်အနည်းဆုံး ဆယ်မိနစ်ခန့် ရေလောင်းပေးပါ။
• အပူလောင်သော နေရာအားသန့်ရှင်းသော ပလပ်စတစ်အိတ်ဖြင့် လျော့လျော့လေးဖုံးထားပါ။
• လိုအပ်ပါက အကူအညီလှမ်းတောင်းပါ။

အရိုးကျိုးသူအား ရှေးဦးပြုစုနည်း

အဓိကလုပ်ဆောင်ရန်- အရိုးကျိုးသောနေရာအား မလှုပ်ရှားအောင် ပြုလုပ်ပါ

• အရိုးကျိုးသော နေရာလှုပ်ရှားမှု မရှိစေရန် လူနာအား လက်ဖြင့် (သို့) ကူရှင််(သို့) အဝတ်ကိုသုုံးပြီး အနာကို ထောက်ပံ့ထားရန် ပြောပါ။
• အရေးပေါ်ဌာနသို့ အကူအညီ ချက်ချင်းလှမ်းတောင်းပါ။
• အကူအညီများ မရောက်မချင်း အနာအား မလှုပ်ရှားနိုင်အောင်ထားပါ။

နှလုံးရောဂါဖောက်သူအား ရှေးဦးပြုစုနည်း

အဓိကလုပ်ဆောင်ရန်- လူနာအားထိုင်နေစေပြီး အကူအညီ ချက်ချင်း လှမ်းတောင်းပါ

• လူနာသည်ရင်ဘတ် တစ်ဝိုက်အဆက်မပြတ်အောင့်ကာ ၄င်း၏ လက်မောင်းများ၊ လည်ပင်း၊ မေးရိုး၊ နောက်ကျော(သို့) ဝမ်းဗိုက် အထက်ပိုင်းများသို့ နာကျင်မှု ပျံ့သွားနိုင်သည်။
• အရေးပေါ်ဌာနသို့ ချက်ချင်းအကူအညီ လှမ်းတောင်းပါ
• လူနာအား သက်တောင့်သက်သာ ရှိသော အနေအထားတွင် နေခိုင်းပါ။ (ဥပမာ- ကြမ်းပြင်ပေါ်တွင် ထိုင်ခြင်း၊ နံရံ /ထိုင်ခုံကို မှီထားခြင်း)
• လူနာတင်ယာဉ်စောင့်နေစဉ် လူနာအား စိတ်အေးအေးထားရန် ဖြောင့်ဖြပါ။

လေဖြတ်သောသူအား ရှေးဦးပြုစုနည်း

အဓိကလုပ်ဆောင်ရန်- မျက်နှာ၊ လက်မောင်းများနှင့် စကားလုံးများကို စစ်ဆေးခြင်းပြုလုပ်ပါ

• မျက်နှာတစ်ခြမ်း လျော့ရဲနေသလား၊ လက်မောင်းနှစ်ဖက်စလုံး မြှောက်နိုင်သလား၊ ပီသစွာ စကားပြောနိုင်သလား စသည်တို့ကို စစ်ဆေးပါ။
• ထိုအရာများ မလုပ်နိုင်တော့ဟု ထင်ပါက အရေးပေါ်ဌာနသို့ ချက်ချင်း အကူအညီ လှမ်းတောင်းပါ။

အတက်ရောဂါထနေသူအား ရှေးဦးပြုစုနည်း

အဓိကလုပ်ဆောင်ရန်- လူနာအားထိခိုက်ဒဏ်ရာ မရအောင် ပြုလုပ်ပါ

လူနာအားမချုပ်ထိန်းပါနှင့်။ သို့သော် ၄င်း၏ဦးခေါင်းအား ဒဏ်ရာမရစေရန် စောင်(သို့) အဝတ် တို့ကို သုံးပြီး ကာကွယ်ပါ။ တက်ခြင်းရပ်သွားပါက လူနာအားဘေး တစ်စောင်းအနေအထားနေစေပြီး ခေါင်းကို နောက်သို့ စောင်းထားခိုင်းပါ။

သွေးတွင်း သကြားဓာတ်နည်းသွားသော သူအား ရှေးဦးပြုစုနည်း

အဓိကလုပ်ဆောင်ရန်- လူနာအား အချို ရည်တစ်ခုခု(သို့) စားစရာ တိုက်ကျွေးပါ

• လူနာအားစားစရာ(သို့) အချိုရည် တစ်ခုခု တိုက်ကျွေးပါ။
• လူနာအား စိတ်အေးအေးထားရန ်ပြောပါ။ မသက်သာပါက အကူအညီလှမ်းတောင်းပါ။

ပန်းနာရင်ကြပ် ရောဂါထနေသူအား ရှေးဦးပြုစုနည်း

အဓိကလုပ်ဆောင်ရန်- လူနာသုံးနေကျ ဆေးရနိုင်အောင် ကူညီပါ

• လူနာအား သက်တောင့်သက်သာရှိသော အနေအထားတွင် ထိုင်နေစေပြီး ၄င်း၏ဆေးကို ယူပေးပါ။
• လူနာအားစိတ်အေးအေးထားရန် ပြောပြီး ပိုဆိုးလာပါက အကူအညီလှမ်းတောင်းပါ။

အဆိပ်ဖြစ်စေသောအရာနှင့် ထိတွေ့မိသူအား ရှေးဦးပြုစုနည်း

အဓိကလုပ်ဆောင်ရန်- ထိတွေ့မိသောအရာ၊ အချိန်နှင့် ပမဏကို မေးမြန်းရန်

• ထိတွေ့မိသော အရာ၊ အချိန်နှင့် ပမာဏကို မေးမြန်းပါ။
• အရေးပေါ်ဌာနသို့ ချက်ချင်း အကူအညီလှမ်းတောင်းပါ

ဦးခေါင်း ထိခိုက်ဒဏ်ရာရသူအား ရှေးဦးပြုစုနည်း

အဓိကလုပ်ဆောင်ရန်- ခိုက်မိသောနေရာကို အေးမြသောအရာနှင့် ထိကပ်ထားပါ

• လူနာအားအနားယူစေပြီး ထိခိုက်မိသော နေရာအား အေးမြသောအရာနှင့် ထိကပ်ထားပါ။
• အကယ်၍ လူနာက ငိုက်မျဉ်းလာခြင်း(သို့) ပျို့အန်ခြင်း ဖြစ်ပါက အရေးပေါ်ဌာနသို့ အကူအညီ လှမ်းတောင်းပါ။

ထိတ်လန့်နေသူအား ရှေးဦးပြုစုနည်း

အဓိကလုပ်ဆောင်ရန်- သင်ကူညီနိုင်သည့် အရာရှိသလား မေးမြန်းပါ

• သင်ကူညီနိုင်သည့် အရာရှိ၊ မရှိ မေးမြန်းပြီး ၄င်း၏ အဖြေအား သင်သေချာနားထောင်နေကြောင်း ပြသပါ။
• ၄င်း၏ လိုအပ်ချက်နှင့် ၄င်း၏ ပတ်ဝန်းကျင်တွင် ဖြစ်ပျက်နေသည့်အကြောင်းအရာတို့ကို ထည့်သွင်း စဉ်းစားပါ။