Amantadine ( Symmetrel )

Amantadine ဆိုတာဘာလဲ

• အမြင်ဝေဝါးခြင်း၊ ပျို့အန်၊ အစာမကြေခြင်း၊ မူးဝေခြင်း၊ အာခေါင်ခြောက်ခြင်း၊ ဝမ်းချုပ်ခြင်း၊ ဂနာမငြိမ်ဖြစ်ခြင်း နှင့် အိပ်မပျော်ခြင်းတို့ကိုဖြစ်စေနိုင်ပါသည်။
• အရေပြားတွင်နီပြာရောင် အဖုများပေါက်ခြင်း၊ ခြေကျင်းဝတ်များရောင်လာခြင်း၊ ဆီးသွားရခက်ခြင်း နှင့်အမြင်ဝေဝါးခြင်းတို့ဖြစ်ပါက နီးစပ်ရာဆေးခန်းသို့အမြန်ဆုံးသွားပြပါ။
• ဆေးမတည့်ခြင်းဖြစ်နိုင်သော်လည်းရှားပါတယ်။ကြုံတောင့်ကြုံခဲပြင်းထန်သော ရောဂါလက္ခဏာတွေကတော့ အသက်ရှူကြပ်ခြင်း၊ စိတ်ခံစားမှုပြောင်းလဲခြင်း (ဥပမာ စိတ်ကျခြင်း၊ သတ်သေချင်စိတ်များ ပေါ်ပေါက်လာခြင်း)၊ ကြွက်သားများတောင့်တင်းမှု၊ မူမမှန်ကြွက်သားလှုပ်ရှားမှု၊မူမမှန်ချွေးထွက်ခြင်း၊ နှလုံးခုန်မြန်ခြင်း နှင့်တက်ခြင်းတို့ဖြစ်ကာ အမြန်ဆုံးဆေးကုသမှုခံယူသင့်ပါတယ်။
• Amantadine သည် ရုတ်တရက် အိပ်ငိုက်ခြင်းဖြစ်နိုင်သောကြောင့် ဆေးသောက်ပြီး ကားမောင်းခြင်းမပြုလုပ်သင့်ပါ။

• ဆေးမတည့်ခြင်း၊ မျက်စိရောဂါများ၊ ခြေ/လက်ရောင်ခြင်း၊ နှလုံးရောဂါ၊ သွေးပေါင်တက်/ကျ၊ ကျောက်ကပ်ရောဂါ၊ အသည်းရောဂါ၊ စိတ်ရောဂါများ၊ အတက်ရောဂါ၊ အရေပြားရောဂါ များရှိ/မရှိ ဆရာဝန်ကို ကြိုပြောသင့်ပါတယ်။
• ရုတ်တရက် အိပ်ငိုက်ခြင်းဖြစ်နိုင်သောကြောင့် ဆေးသောက်ပြီးကားမမောင်းသင့်ပါ။
• အရက်သောက်သူများလည်း ဆေးသောက်နေပါက အရက်လျှော့သောက်သင့်ပါသည်။
• Parkinson’s ရောဂါ အတွက် Amantadine သောက်နေရပါက လေ့ကျင့်ခန်းအား အလွန်အကြူး မလုပ်သင့်ပါ။
• ကိုယ်ဝန်ဆောင်သည်များနှင့် နို့တိုက်မိခင်များသည် ဆရာဝန်နှင့်တိုင်ပင်ပြီးမှ သောက်သုံးသင့်ပါသည်။

• Anticholinergic ဆေးများ (ဥပမာ Atropine) ၊ Antihistamines များ ( ဥပမာ diphenhydramine) ၊ စိတ်ရောဂါအတွက်ဆေးများ (Phenothiazine ဥပမာ Thioridazine)၊ Quinidine၊ Quinine ၊ စိတ်လှုံ့ဆော်ဆေးများ ( ဥပမာ Caffeine) ၊ Trimethoprim/ Sulfamethoxazole အစရှိသော ဆေးများနှင့် တွဲသောက်လျှင် ဆေးအာနိသင် ပြောင်းကာ ဘေးဖြစ်နိုင်ပါသည်။
• ဆရာဝန်နှင့် ဦးစွာတိုင်ပင်ပြီးမှ သောက်သင့်ပါတယ်။

• နှလုံးခုန်မြန်/မူမမှန်ခြင်း၊ အလွန်အမင်းမူးဝေခြင်း၊ အသက်ရှူကြပ်ခြင်း၊ ဆီးပမာဏပြောင်းလဲခြင်း၊ စိတ်ခံစားမှုပြောင်းလဲခြင်း (ဥပမာ– စိုးရိမ်လွန်ခြင်း၊ စိတ်ကျခြင်း၊ တွေဝေခြင်း၊ ထင်ယောင် ထင်မှားဖြစ်ခြင်း)၊ တက်ခြင်းတို့ဖြစ်ကာ အန္တရာယ်ရှိသဖြင့် အမြန်ဆုံးဆေးကုသမှုခံယူသင့်ပါတယ်။
• သတိပြုရန်မှာ Parkinson’s ရောဂါအတွက် Amantadine သောက်သုံးနေရသူများမှာ အရေပြားကင်ဆာ (Melanoma) ဖြစ်နိုင်ချေများသောကြောင့် မှဲ့ပုံစံနှင့် အရွယ်အစားပြောင်းလာခြင်း၊ အရေပြားတွင် မူမမှန်ပြောင်းလဲခြင်းတို့ဖြစ်ပါက ဆရာဝန်အား အမြန်ဆုံးအကြောင်းကြား တိုင်ပင်သင့်ပါသည်။