Ethambutol
Ethambutol သည် ဘတ်တီးရီးယားများ၏ ကြီးထွားမှုကို ရပ်တန့်ပေးသော ပဋိဇီဝဆေး အမျိုး အစားဖြစ်ပါသည်။ အထူးသဖြင့် တီဘီရောဂါ ကုသရာတွင် သုံးပါသည်။
ဘယ်မှာသုံးလဲ
Ethambutol ကို Rifampicin, Isoniazid, Pyrazinamide စသော ဆေးများနှင့် တွဲဖက်ပြီး တီဘီရောဂါ ကုသရာတွင် သုံးပါသည်။
ဘယ်လိုသုံးရမလဲ
- တစ်နေ့ကို တစ်ကြိမ် သောက်ရပါမည်။
- ဆေးသောက်မည့် ပမာဏသည် အသက်အရွယ် ကိုယ်အလေးချိန်နှင့် ရောဂါပေါ်မူတည်၍ ကွာခြားမှုရှိပါသည်။
- Aluminium ပါသော အစာအိမ်ဆေးများသောက်ထားပါက ၄ နာရီ ကျော်မှ သောက်ပါ။
- တီဘီကုသရာတွင် ဆေးပတ်လည်အောင် သောက်ရန်လိုပါသည်။
- ဆေးပတ်မလည်ပါက တီဘီရောဂါ မပျောက်ကင်းဘဲ ဆေးယဉ်ပါးတတ်ပါသည်။
ဘေးထွက် ဆိုးကျိုး ဘာတွေရှိလဲ
- ဗိုက်အောင့်ခြင်း
- အစားအသောက်ပျက်ခြင်း
- ပျို့ခြင်း အန်ခြင်း
- ခေါင်းကိုက်ခြင်းတို့ ဖြစ်တတ်ပါပါတယ်။
- အမြင်ဝေဝါးခြင်း မျက်လုံးနှင့် အသားဝါလာခြင်း ထုံခြင်း အရိုးအဆစ်များနာခြင်းတို့ရှိပါက ဆရာဝန်နှင့် ပြသရန် လိုအပ်ပါတယ်။
ဘာတွေသတိထားရမလဲ
- မျက်လုံးရောဂါများ အသည်းရောဂါများ ကျောက်ကပ်ရောဂါများ ရှိပါက ဆရာဝန်ကို ပြောပြရန် လိုပါသည်။
- Ethambutol သည် အူရောင်ငန်းဖျား ကာကွယ်ဆေး၏ အာနိသင်ကို ပြယ်စေပါသည်။
- ဆေး သောက်နေစဉ်အတွင်း အရက်ကို ရှောင်ကြဉ်သင့်ပါတယ်။
- ကိုယ်ဝန်ဆောင်နှင့် နို့တိုက်မိခင်များတွင် ဆရာဝန် ညွှန်ကြားချက်နှင့် သောက်ပါ။
- ဆေးအာနိသင်ဘယ်လိုရှိလဲ
- အခြားဆေးများ သောက်နေပါက ဆရာဝန်ကို ပြောပြရန် လိုပါသည်။
ဆေးသောက်လွန်ရင် ဘာတွေဖြစ်မလဲ
- ဘေးထွက်ဆိုးကျိုး လက္ခဏာများ ဆိုးရွားပါက သို့မဟုတ် အသက်ရှူရခက်ပါက အဆိပ်ကုဌာန သို့ အမြန်ဆုံးသွားရန် လိုပါသည်။
- ဘေးထွက်ဆိုးကျိုးများ မဖြစ်အောင် အမြင်အာရုံ ပုံမှန်စစ်ဆေးခြင်း သွေးစစ်ခြင်း (Kidney and Liver Function Test) တို့ ပြုလုပ်သင့်ပါတယ်။
- ဆေးတွေကို ဘယ်ဆေးမဆို ဆရာဝန် ဒါမှမဟုတ် တတ်ကျွမ်းနားလည်တဲ့ ကျန်းမာရေးဝန်ထမ်းတွေရဲ့ ညွှန်ကြားချက်အတိုင်း တိတိကျကျ သောက်သင့်ပါတယ်။
- မိမိသဘောနဲ့ဆေးရပ်လိုက်တာမျိုး မလုပ်သင့်ပါဘူး။
- ဘေးထွက်ဆိုးကျိုး ပြင်းပြင်းထန်ထန် ခံစားရရင်တော့ ဆရာဝန်နဲ့တိုင်ပင်ဖို့ လိုအပ်ပါတယ်။
Source– ဒေါက်တာချစ်စန္ဒီကျော်