Furosemide

• ခန္ဓာကိုယ် ဆဲလ်များထဲမှ ပိုလျှံနေသော ရေများကို ဆီးအဖြစ် စွန့်ပစ်ခြင်းဖြင့် လျော့ချပေးသည်။
• အရပ် အခေါ် ဆီးဆေး ဟု ခေါ်သည်။
• နှလုံးရောဂါ ကျောက်ကပ်ရောဂါ အသည်းရောဂါများကြောင့် ဖြစ်သော ခြေလက် ဗိုက်များတွင် ဖောရောင်ခြင်းကို သက်သာစေသည်။

• သွေးတိုးရောဂါများတွင် သွေးပေါင်ချိန်ကို လျော့ချပေးသည်။ ထိုသို့ လျော့ချပေးခြင်းဖြင့် လေဖြတ်ခြင်း နှလုံးနှင့် ကျောက်ကပ် ရောဂါများ ဖြစ်ပွားခြင်းကို ကာကွယ်ပေးသည်။

• အစာနှင့်ဖြစ်စေ အစာမပါသည်ဖြစ်စေ သောက်နိုင်သည်။
• သောက်ဆေးနှင့် ထိုးဆေး ရှိသည်။
• သတိပြုရမည်မှာ ထိုဆေးသောက်ပြီးသောအခါ ဆီးသွားများသဖြင့် ညအိပ်ရာ ဝင်ခါနီး ၄ နာရီ အတွင်း မသောက်သင့်ပါ။
• ဆေးသောက်ရာ ပမာဏသည် အသက်အရွယ် ကိုယ်အလေးချိန်နှင့် ရောဂါပေါ် မူတည်၍ ကွာခြားမှုရှိသည်။
• ပုံမှန်သောက်ခြင်းဖြင့် အကျိုးအာနိသင် ကောင်းစေသည်။

• ခန္ဓာကိုယ်မှ ရေနှင့် ဆားဓါတ်များ ဆီးမှ ပါသွားသောကြောင့် မူးဝေခြင်း အမြင်ဝေဝါးခြင်း ကြွက်တက်ခြင်းတို့ ဖြစ်တတ်ပါသည်။
• မူးဝေခြင်းကို သက်သာစေရန် အထိုင်အထကို ဖြေးညင်းစွာ ပြုလုပ်ရန် လိုသည်။
• ရံဖန်ရံခါ ပါးစပ်ခြောက်ခြင်း ပျို့ခြင်း အန်ခြင်း ထုံခြင်း ကျင်ခြင်း စသည်တို့လည်း ဖြစ်တတ်ပါသည်

• ဆေး မသောက်မီ သင့်တွင် ကျောက်ကပ်ရောဂါ အသည်းရောဂါ အဆစ်အမြစ်ရောင် ဂေါက်ရောဂါ များရှိပါက ဆရာဝန်ကို ပြောပြရန် လိုသည်။
• ဆီးချိုရောဂါ ရှိပါကလည်း ပြောပြရန် လိုသည်။ Furosemide သည် သွေးတွင်းသကြားဓါတ်ကို တက်စေသောကြောင့်ဖြစ်သည်။
• ထို့အပြင် Furosemide သည် ပိုတက်ဆီယမ်ကို လျော့နည်းစေသဖြင့် ပိုတက်စီယမ် ကြွယ်ဝသော ငှက်ပျောသီး လိမ္မော်သီး တို့ကို စားသုံးပေးရန် လိုသည်။
• ကိုယ်ဝန်ဆောင်များတွင် လိုအပ်မှ ဆရာဝန် ညွှန်ကြားချက်နှင့် သောက်သင့်သည်။
• နို့တိုက်မိခင်များသည်လည်း ဆရာဝန်နှင့်တိုင်ပင်ပြီးမှ သုံးစွဲသင့်သည်။

• ဆရာဝန်၏ ခွင့်ပြုချက် မရှိဘဲ ဆေးစသောက်ခြင်း ဆေးရပ်ခြင်း ဆေးပမာဏပြောင်းလဲခြင်း မပြုလုပ်ရပါ။
• Lithium, Ethacrynic Acid စသော ဆေးများဖြင့် တွဲမသောက်သင့်ပါ။
• Ibuprofen ကဲ့သို့သော NSAID မျိုးဝင် အကိုက်အခဲ ပျောက်ဆေးများ ချောင်းဆိုးပျောက်ဆေးများ သောက်နေသည် ရှိပါက သင့်ဆရာဝန်နှင့် တိုင်ပင်ဆွေးနွေးပါ။

• ဆီးဆေးကို ပိုမိုသုံးမိပါက ဆီးသွားများကာ ခန္ဓာကိုယ်တွင် ရေနှင့် ဆားဓါတ်များ ခန်းခြောက်တတ်ပြီး မူးမော်ခြင်း နုံးချိခြင်းများ ဖြစ်တတ်သည်။
• ကြာလာသောအခါ ဆီးသိသိသာသာ သွားတာနည်းလာတတ်သည်။ ထိုအခါမျိုးတွင် အရေးပေါ် အဆိပ်ကု ဌာနသို့ သွားရောက်ပြသရန်လိုသည်။
• ဆေးတွေကို ဘယ်ဆေးမဆို ဆရာဝန် ဒါမှမဟုတ် တတ်ကျွမ်းနားလည်တဲ့ ကျန်းမာရေးဝန်ထမ်းတွေရဲ့ ညွှန်ကြားချက်အတိုင်း တိတိကျကျ သောက်သင့်ပါတယ်။
• မိမိသဘောနဲ့ဆေးရပ်လိုက်တာမျိုး မလုပ်သင့်ပါဘူး။
• ဘေးထွက်ဆိုးကျိုး ပြင်းပြင်းထန်ထန် ခံစားရရင်တော့ ဆရာဝန်နဲ့တိုင်ပင်ဖို့ လိုအပ်ပါတယ်။